Ngā aratohu

Kua whakaritea te hanga o ngā aratohu o Tū Rangatira ki te korowai.

He taonga tuku iho te korowai mai i tētahi whakatupuranga ki tētahi, e rere ngātahi ana me ngā tohutohu o te whakataukī rā, E kore au e ngaro, te kākano i ruia mai i Rangiātea.

Nō roto mai i te korowai ngā āhuatanga matua e toru o ngā aratohu, arā, te aho tapu, ngā whenu me ngā aho.

Te Aho Tapu – Te Arotahi ki ngā Ākonga

Ko te aho tapu, te io tuatahi, te io matua o te korowai. Koia e waitohu ana i te arotahinga ki ngā ākonga, ā, mō Tū Rangatira, kua tapaina ko ‘Ngā Mokopuna’, e tohu ana i te puta o ngā ākonga.

Ngā Whenu – Ngā Tūranga Mātāmua e Whitu o te Kaitātaki

Ka heke mai ngā whenu i te aho tapu. Ko ia whenu e waitohu ana i tētahi tūranga o te kaitātaki. Koia ēnei, ko ngā tūranga e whitu nei:

  1. He Kaitiaki
  2. He Kaiwhakarite
  3. He Kanohi Matara
  4. He Kaiako
  5. He Kaimahi
  6. He Kaikōtuitui
  7. He Kaiarataki

Ngā Aho – Ngā Arotahinga Mātāmua e Whitu

Ka rere haere ngā aho o te korowai i waenga i ōna whenu, e piri tahi ai ngā wāhanga katoa hei kākahu. Ko ia aho tētahi arotahinga matua mō ngā mahi tātaki:

1. Te Mana Mokopuna te whakanoho mai i te ākonga ki waenganui pū o ngā whakaaro, o ngā mahi
2. Te Mana Wairua te noho ora taha wairua o te ākonga, o te tangata, me te aro nui ki te katoa ōna
3. Te Mana Tangata te whakaae he wāhi nui kei ngā taura tangata e tino whaihua ai ngā mahi
4. Te Mana Reo te whai kia pūmau te reo Māori
5. Te Mana Tikanga ngā tikanga Māori
6. Te Mana Mātauranga Māori ngā kōrero me ngā mātauranga Māori
7. Te Mana Ā-Kura te noho ahurei o tēnā, o tēnā kura

Tell a colleague | Back to top